Hanesan konsekuensia istoria Timor nia, Tetum Dili mak hanesan lian franka Timor Lorosae nia nebe kahur ona ho portugues ho Bahasa Indonesia. Tuir Geoffrey Hull, rai Timor Lorosae iha lian barak hamutuk rua nulu resin rua. Tetum tama iha grupu lian Austronesia nia nebe ninia hun mai hosi costa sul China nia, liu tinan rihun ha’at B.C. nebe tama too iha Timor mais ou menus iha sekulu sanulu resin ida A.D. Hull mos hatete katak lian hotu-hotu iha Timor tuir nia estrutura no leksikal la hanesan ho lian Malaziu ho Bahasa Indonesia.

Australia iha nia istoria antigu konaba ema rai nain sira. Bainhira ema ingles sira ukun Australia, ema rasa barak hela ona iha rai ida nee. Ema sira nee ida-idak iha nia rai rasik nebe rekonese hanesan sagrado hosi bei-oan ba bei-oan. Uluk Port Phillip tama iha Kulin nia ukun, rai ida nebe oras nee ema Wurundjeri mak lori naran.

Australia iha istoria migrasaun liu tinan atus rua kotuk iha sekulu sanulu resin walu ho oras nee Australia hanesan nasaun multikultural. Hanesan konsekuensia husi Australia nia istoria, Ingles mak hanesan lian franka Australia nia.

Escolha Ingles ho Tetum Dili

Kabas Mean Nurak usa Ingles ho Tetum tamba lian rua nee mak lian ema Timor nia, Australia ho fatin seluk, nebe tuir ami nia hanoin ema sira nee mak sei iha interese atu visita internet.